Saturday, January 10, 2015

సంగీతం - జీవితం


వీణను వినసొంపుగా వాయించాలి అనుకుంటే ముందు ఆ వీణ తీగలను చక్కగా అమర్చాలి. తీగను గట్టిగా బిగించి కడితే తీగలు తెగిపోతాయి, వదులుగా ఉంచితే అవి మధుర స్వరాలను అందించలేవు. కాబట్టి, సరియైన రీతిలోనే అమర్చాలి. అనంత రాగాలు పలికించే సంగీతం లాంటిదే మన జీవితం కూడా. అన్నిటిపైన మమకారాన్ని బిగించి పెడితే బాధ పెడుతుంది. అలాగని అన్నీ వదిలేస్తే జీవితపు మకరందమే అసలు అనుభవానికి రాదు. ఏది పొందినా, దాన్ని అతిగా చేర్చుకోకుండా, దానికి విముఖంగా కూడా ఉండకుండా, ఆనందంగా స్వీకరిస్తే - సంతృప్తిగా జీవిస్తే, జీవితం మధురమైన సరిగమల సంగీతమే అవుతుంది.


No comments:

Post a Comment