Thursday, January 23, 2014
Wednesday, January 22, 2014
ఓ మనసా..!
కాలం కదులుతున్నా
మాయదు గాయం
నిత్యం ఎదురీదుతున్నా
కానరాదు తీరం
ఎడారి దారిలో
పయనమైన వేళకి
కనిపించే నీళ్ళన్నీ
వట్టి ఎండమావులే..
ప్రశ్నల సుడిగుండంలో
చిక్కుకున్న మనసుకి
ఊరించే కలలన్నీ
వట్టి కలవరింతలే..
ఇకనైనా మేలుకోవే
ఓ చంచల మనసా
ఇక చాలు చాలించవే
నీ పిచ్చి వరస..!
Tuesday, January 21, 2014
మనిషి...
అన్నీ ఉంటే పొంగిపోతాడు
ఏదీ లేదంటే కృంగిపోతాడు
నిరంతర జీవన యానంలో
మనిషికి ఆనందమెప్పుడు..?
స్వేచ్ఛగా పుట్టినవాడు
సంకెళ్ళలో బందీఅవుతాడు..?
తానెవరన్నది మరిచిపోయి
తనకు తాను బానిసవుతాడు..
మరచిపోయాడు.. మనిషి
మారిపోయాడు.. తన ఉనికిని మరచి...
Subscribe to:
Posts (Atom)