సైనికుడు..

 

మామూలుదైన మా ప్రజా ప్రాణానికి

మహనీయ సైనికుడి ప్రాణం అడ్డు..,

ఎండైనా వానైనా.., జడిపించే చలినైనా..,

సహించి భరించి కాపాడుతున్నవాడు..,

ఓ సైనిక సేనా..!

మా స్వేఛ్చకు కారణం నీవు కదా..,

మా ఆనందాలకు భరోసా నీవే కదా..,

నీ త్యాగం అమరం.., నీకు మేము దాసోహం..,

స్వీకరించు ఈ మా హృదయపూర్వక వందనం...!    

 

 

 

"ఓ సమాజమా..!"

 

ఓ సమాజమా..!
నువ్వెంత గొప్ప దానవే..?
పసిపాపలను తెగటార్చే
ఉన్మాదులకు నెలవయ్యావే..!?
పడతుల జీవితాలను కడతేర్చే
కామాంధులకు కొలువులిచ్చావే..!?
ప్రశ్నించే ధైర్యం నీకున్నా..,
రాజకీయ దురవస్థలకు లొంగిపోయావే..!?
సామాన్యులే కదా బలయ్యేదని..,
వారి ప్రాణాలను చులకన చేసావే..!?
అన్యాయాన్ని అందిపుచ్చుకున్నావు..
ఉన్మాదులకు స్వేఛ్చనిచ్చుకున్నావు..
కామాంధులను ఇంకా సహిస్తున్నావు..
ఎంత గొప్పదానవే..!?
తల్లి సమాజమా..! మా జోహార్లు నీకివిగోవే..!
నీది సహనమా.. అలసత్వమా.. చేతగానితనమా..?
ఒక్కసారి నిన్ను నువ్వు ప్రశ్నించుకోవే..!
మనుషులని కుదురుగా బ్రతకనీయవే..! నీకు దండాలివిగోవే..!