తాదాత్మ్య o

తాదాత్మ్య o  

నా కలం నుండి కవిత్వం జాలువారాలని ,

చల్లగాలిలో , అందమైన  ప్రకృతి దృశ్యాల మధ్య ,

ఆశగా , భావాంకురాలకై ఎదురుచూస్తూ ఉండగా ,

ఒక్కసారిగా ,

అల్లరిగా గిలిగింతలు పెడుతూ ,

పిల్లగాలులు నన్ను స్పృశించాయి.....

ఆ స్పర్శ మదిలో మెదిలే ఆలోచనలను ,

తన వేగంతో మాయం చేసి ,

మనస్సంతా ప్రశాంతతను నింపేసింది...అది  అనంతం......

నాకు నేనంటే ప్రాణం.

నన్ను విడిచి నేనుండలేను.

అలాంటి  నేనే  నన్ను  మరిచాను ఆ  క్షణంలో... 

కానీ,

ఈ  మధురానుభూతిని మాత్రం  మరువలేను ఏ  క్షణంలో..!