వర్ష ధార
follow me on
telugu mitrulam!
వర్ష ధార
నల్లటి కారుమబ్బులు ఆకాశమంతా పరచుకున్న వేళ,
చల్లచల్లని పిల్ల గాలులు తనువుని తాకుతూ పరవశంలో ముంచెత్తుతున్న వేళ,
చిటపట చినుకుల సవ్వడులకు కాలి అందెలు స్పందించే వేళ,
కంటి పాపలు చిత్రంగా చూస్తున్న ఒక దృశ్య కావ్యంగా,
కొమ్మలన్నీ కలబోతగా ఊయలలూగుతున్న వేళ,
ఊహను చీల్చుకుని ఎదురుపడిన స్వప్నం నిజంలా ఎదుటే ఉంది...
చూపుల దాహార్తి ఇంకా తీరక మునుపే సమయం నిజాన్ని దాటాలని చూస్తోంది...
అందుకే,....
ఓ మేఘమా!...
నీ వర్షధారలలో అమృత ధారలను కురిపించు.
నీ వానవీణలో సుమధుర రాగాలను పలికించు.
నీ ఏరువాకలలో మనోహర సుధలను పొంగి పొర్లాడించు.
అంతేనా?...
ఓ గగనమా!...
నీ నీలవర్ణమంతటినీ నీటికి సొబగులుగా అద్ది అలంకరించు.
నీ ముంగిట వాలిన విహంగ మేనికి నీ రీతిన స్నానమాడించు.
నీ కరుణకై వేచి చూసే ఈ మనోవేదనను కనికరించు.
సమాధానంగా...
ఈ అవనిని నీ ఆనంద భాష్పాలతో స్పృశించి దీవించు..!
బ్యూటిఫుల్...
ReplyDeletevery nice
ReplyDeleteexcellent
ReplyDeletechala baundandi