తన మౌనం కొన్ని క్షణాలే..
తన చలనం ఎన్ని యుగాలో..!
తాను పలుకుతూ కళ్ళకు కలలనిస్తుంది..
తాను నవ్వుతూ పెదాలకి మాటలనిస్తుంది..
తాను శ్వాసిస్తూ మనిషికి ఆశలు రేపుతుంది..
తాను మరణిస్తూ గుండెకు కోతలు పెడుతుంది..
ఎక్కడుందో తెలియదు.. ఏ రూపమో తెలియదు..
ఎప్పుడూ చూడలేదు.. కనిపించే అవకాశమే లేదు..
అయినా తనంటే పిచ్చి..!
నవ్వుతూ నవ్వించినా.. ఏడుస్తూ ఏడిపించినా..
కన్నీరెంత కురిపించినా.. ఇంకా తనంటే పిచ్చే..!
కనిపించని తనకు.. కనిపించే మనకు
ఏ బంధముందో తెలియకున్నా..,
తాను లేని జీవితం జీవచ్ఛవమేనన్న
నిజమొక్కటి తేలిందిగా.. ఇక..,
కనిపించని దేవుడు కనిపిస్తే కోరేదొక్కటే..
తనని చూపించమని.., ఆ కనిపించని
"మనసు"నోసారి చూడాలనుందని.....!!
No comments:
Post a Comment